मानिसको अनुहार नहेरिकनै शरीरको आकार र चालबाट चिन्छ यो रोबोटले  

 

कात्तिक २१, २०७५

काठमाडौं — चीनमा जनतामाथि नजर राख्नका लागि नयाँ प्रविधि ल्याइएको छ । त्यहाँ आर्टिफिसियल इन्टेलिजेन्सको सहायताले तयार पारिएको सफ्टवेयरले कुनै पनि व्यक्तिको अनुहार नहेरी आकार र चालमार्फत चिन्न सक्छ । 

यसलाई गेट (चाल) रिकग्निसन (पहिचान) नाम दिइएको छ । यसले कुनै पनि व्यक्तिलाई भीडभाडमा पनि चिनिदिन्छ । 

अहिले यो प्रविधिलाई बेइजिङ र शांघाई प्रहरीले प्रयोग गर्न शुरू गरेका छन् । सफ्टवेयर बनाउने कम्पनी वेट्रिक्सका सीईओ हुआङ योन्झेनका अनुसार, यसमार्फत ५० मिटर टाढा रहेको व्यक्तिलाई सजिलै चिन्न सकिन्छ । 

सफ्टवेयरले प्रहरीको आवश्कयता पूरा गर्न सक्ने किनकि यसले अपराधीहरूको पहिचान खोल्ने फेसियल रिकगिनसन प्रविधिमा भएको कमीलाई पूरा गर्ने देखिन्छ । 

हुआङले यो सफ्टवेयरमा पहिचानको डाटाबेस बनाउनका लागि मानिसको सहयोग आवश्यक नपर्ने बताए । कसैले आफ्नो चाल बदलेमा पनि सफ्टवेयरले सम्बन्धित व्यक्तिलाई चिन्छ । 

चीनको पश्चिमी शिनजियाङ प्रान्तका सुरक्षा अधिकारीहरूले यो सफ्टवेयरमा रुचि देखाएका छन् । शिनजियाङमा पहिले नै मुसलमानमाथि कडा नजर राखिन्छ । नयाँ सफ्टवेयरमार्फत प्रान्तमा मानिसमाथि नियन्त्रणको कोशिश चर्किनेछ ।

वेट्रिक्सको गेट रिकग्निसन प्रविधि भिडियोमार्फत फोटो खिच्छ । यसले बदलिँदो आकारको विश्लेषण गरेपछि सफ्टवेयर व्यक्तिको चालको एक मोडल तयार पार्छ । यसमार्फत रियल टाइममा कसैको पहिचान गर्न सकिँदैन । गेटको एउटा विशेषता भनेको कसैको गतिविधि हेरेर शारीरिक भाषा बुझ्न सकिन्छ । रोगी मानिसको सहायताका लागि यो सफ्टवेयर उपयोगी हुन सक्छ ।

एजेन्सी 

प्रतिकृया दिनुहोस

त्यो रुढिवादी अरब देश जसले ‘फिमेल भियग्रा’ को अनुमती दियो

  बीबीसी माघ ५, २०७५  इजिप्ट पहिलो अरब देश बनेको छ जसले महिलामा कामोत्तेजना बढाउने औषधीको उत्पादन र बिक्रिका लागि अनुमती दिएको छ ।  बीबीसी

अचम्मको विवाहः सेक्ससम्म साथ, त्यसपछि बाटो अलग

  चीनको युनान, सिचुआन प्रान्त र योंगनिंग शहरमा बस्छन् मोजो समुदाय । मोजो समुदाय मातृसत्तात्मक समुदाय हो । करिब ५६ हजार जनसंख्या भएको मोजो चीनको एक

किमले ट्रम्पलाई पठाएको त्यो चिठ्ठी, जसले दोस्रो वार्ताको आधार तयार गर्‍यो

माघ ५, २०७५ काठमाडौं– अमेरिकी राष्ट्रपति डोनाल्ड ट्रम्प र उत्तर कोरियाका नेता किम जोङ–उनबीच फेरि भेट हुने भएको छ । उनीहरुबीचको दोस्रो भेट चाँडै