नेपालगञ्जको भविष्य उज्ज्वल छ  मुख्यमन्त्री पोखरेल

 

राँझा, २१ कात्तिक

 प्रदेश नं ५ सरकारका मुख्यमन्त्री शंकर पोखरेलले प्रदेश राजधानी नभए पनि नेपालगञ्जको भविष्य उज्ज्वल भएको बताउनु भएको छ । नेपालगञ्ज उद्योग वाणिज्य सङ्घले आज आयोजना गरेको स्वागत तथा व्यापारिक क्षेत्रका समस्याबारे छलफल कार्यक्रमलाई सम्बोधन गर्दै मुख्यमन्त्री पोखरेलले नेपालगञ्जको भविष्यबारे चिन्ता गर्नुपर्ने अवस्था नआउने बताउनुभयो । 

“नेपालगञ्जको भविष्यको चिन्ता नगर्नुस्, प्रदेश राजधानी नभए पनि यसको भविष्य उज्ज्वल छ”, मुख्यमन्त्री पोखरेलले भन्नुभयो, “नेपालगञ्जको उद्योगी व्यापारीको समस्या हल गर्न प्रदेश सरकार लागि परेको छ, नसके सङ्घीय सरकारले गर्छ ।” 

प्रदेश ५ सरकारले रुपन्देहीमा भैरहवा–बुटवल, दाङमा तुल्सीपुर–घोराही र बाँकेमा नेपालगञ्ज–कोहलपुरलाई केन्द्र बनाई महानगरका रुपमा विकास गर्ने योजना अगाडि सारेकाले महानगर बनेसँगै नेपालगञ्जका उद्योगी व्यापारीका अधिकांश समस्या हल हुने मुख्यमन्त्री पोखरेलले उल्लेख गर्नुभयो । उहाँले प्रदेश ५ मा रुपन्देही, बाँके र दाङलाई केन्द्र मानेर तीनवटा महानगरसहितको एकीकृत गुरुयोजना निर्माण गर्ने सोचका साथ प्रदेश सरकारले काम गरिरहेको बताउनुभयो । 

बाँकेको नौवस्तामा निर्माण हुन गइरहेको प्रदेशस्तरीय औद्योगिक क्षेत्रमा पूर्वाधार निर्माणको लागि प्रदेश र सङ्घीय सरकारबाट बजेट विनियोजन भइसकेको जानकारी गराउँदै मुख्यमन्त्री पोखरेलले औद्योगिक क्षेत्र विस्तारमा जिल्लास्थित सबैले सहयोग गर्न आग्रह गर्नुभयो । नेपालगञ्ज विमानस्थललाई क्षेत्रीय विमानस्थलका रुपमा विकास गर्न विस्तार कार्य शुरु भइसकेको उल्लेख गर्दै मुख्यमन्त्री पोखरेलले ढिलो चाँडो नेपालगञ्ज–दिल्ली हवाई उडान हुने आश्वासन दिनुभयो ।  (रासस)

प्रतिकृया दिनुहोस

सुरक्षा गृहका लागि मुख्यमन्त्रीलाई ध्यानाकर्षण

  चिप्लेढुङ्गा, २८ कात्तिक  हिंसापीडित महिलाका लागि सुरक्षित आवासगृह र सडक बालबालिका लागि सम्पर्क केन्द्र नहुँदा समस्या भएको भन्दै कास्की,

फेसबुकमा स्टाटस लेख्दा उपसचिवलाई स्पष्टिकरण सोधियो

    कात्तिक २८, २०७५ काठमाडौं — कर्मचारी सरुवाका विषयमा फेसबुकमा स्टाटस लेख्दा शिक्षा मन्त्रालयले उपसचिवलाई स्पष्टिकरण सोधेको छ । शिक्षा

प्रदेश ३ का मुख्यमन्त्रीको ‘शंकास्पद’ निवास

  कात्तिक २८, २०७५ काठमाडौं – मुख्यमन्त्री डोरमणि पौडेल प्रदेश ३ को राजधानी हेटौंडामा सरकारी निवासमा बस्छन् । संघीय राजधानी काठमाडौंमा उनकै