एन्फालाई छिटो चुनावको मिति तोक्न एएफसीको निर्देशन

 

काठमाडौं, वैशाख १ –

एसियन फुटबल महासंघले अखिल नेपाल फुटबलको चुनाव मिति जतिसक्दो चाँडो तोक्न निर्देशन दिएको छ ।

एएफसीले एन्फालाई बुधबार इमेल पठाउँदै भक्तपुर र मकवानपुरको चुनाव सफल रुपमा सम्पन्न भइसकेको अवस्थामा केन्द्रिय चुनावको मिति तोक्न किन ढिलाई गरेको भन्दै प्रश्न गरेको छ ।

साथै उसले जति सक्दो चाँडो चुनावको मिति तोक्न पनि निर्देशन दिएको छ । त्यसका लागि एएफसीले बाहिरी हस्तक्षप हुन नपाउने र सबै जिम्मेवारी चुनाव कमिटीकोे हुने पनि स्पष्ट पारेको छ ।

यसअघि चैत १४ गतेका लागि तोकिएको चुनाव विरुद्ध पाटन उच्च अदालतमा रिट परेपछि स्थगित भएको थियो । यता एन्फाले चुनावका विषयमा एएफसीलाई जानकारी नगराए पनि एएफसी आफैले नेपालको चुनावको बारेमा विशेष चासो दिएको छ ।

यसअघि पनि एएफसीले तोकेकै समयमा चुनाव हुने बताए पनि अन्तिम समयमा रद्द भएको थियो । भक्तपुर र मकवानपुरको जिल्ला फुटबल संघको चुनाव नभएको र एन्फा चुनावमा आफ्नो अधिकार हनन भएको भन्दै अदालतमा मुद्धा तयार गरेका थिए । जसमा पाटन उच्च अदालतले सबै पक्षलाई नसमेटेसम्म चुनाव स्थगित गर्न आदेश दिएको थियो ।

तर, दुवै जिल्लामा चुनाव भइसक्दा पनि पाटन अदालतको मुद्धा फिर्ता भएको छैन भने एन्फाले अर्को मिति तोक्न कुनै सुरसार गरेको छैन । एन्फा अध्यक्ष नरेन्द्र श्रेष्ठ पारिवारिक प्रयोजनका लागि अहिले अष्ट्रेलियामा छन् भने वरिष्ठ उपाध्यक्ष मणि कुँवर पनि साफको बैठकपछि बिहीबार मात्र नेपाल फर्किएका हुन् । एन्फा प्रवक्ता सञ्जीव मिश्रले शनिबार साँझसम्ममा अध्यक्ष श्रेष्ठ काठमाडौं आउने र आइतबार सबै पक्षसँग छलफल गरी चुनावको मिति घोषणा हुन सक्ने जानकारी दिएका छन् ।

एन्फाका शिर्ष पदाधिकारी बिहीबारसम्म नेपाल बाहिर रहेका थिए । उनीहरु आइसकेपछि पनि वकिलसँग सल्लाह गर्ने बताइए पनि त्यसो हुन सकेको छैन । यता परिवर्तन धारका पदाधिकारीले संस्थापन पक्षले जानीजानी चुनावको मिति पर धकेलिरहेको आरोप लगाउँदै आएका छन भने संस्थापन पक्षले चुनावका लागि कुनै चासो नदेखाएको जस्तो देखिएको छ ।

अब एएफसीले नै प्रत्यक्ष रुपमा पत्रमार्फत चुनावको मिति तोक्न निर्देशन दिइसकेको अवस्थामा विभिन्न बाहानामा आनाकानी गर्नु नेपाली फुटबलका लागि सकारात्मक बाटो हुने छैन ।

प्रतिकृया दिनुहोस

रोहित बने इन्डोनेसियाको ‘लिग वान’ मा सर्वोत्कृष्ट

मंसिर २४, २०७५ काठमाडौँ - नेपाली मिडफिल्डर रोहित चन्दले इन्डोनेसियाको माथिल्लो डिभिजन फुटबल प्रतियोगिता ‘लिग वान’ मा सर्वोत्कृष्ट खेलाडीको

सन्दीप अष्ट्रेलियातर्फ

काठमाडौँ, २४ मङ्सिर  नेपाली राष्ट्रिय टोलीका युवा स्पिनर सन्दीप लामिछाने अष्ट्रेलियाको टी–२० क्रिकेट बिग बास लिग (बिबिएल) खेल्न आज अष्ट्रेलिया

रियाल मड्रिड स्पेनिस ला–लिगा फुटबलको चौथो स्थानमा उक्लियो

काठमाडौं, २४ मंसिर । उपाधि दावेदार रियाल मड्रिड स्पेनिस ला–लिगा फुटबलको चौथो स्थानमा उक्लिएको छ । गएराति भएको खेलमा रियाल मड्रिडले एस.डी