इन्धन बोक्ने ट्यांकरमा एक सय ६० किलो गाँजा सहित २ जना पक्राउ !

 

एक सय ६० केजी अवैध लागू औषध गाँजासहित २ जना पक्राउ परेका छन् ।

नेपाल प्रहरीको लागू औषध नियन्त्रण व्यूरोले सोमबार काठमाडौंमा पत्रकार सम्मेलन गरी १ सय ६० केजी अवैध लागू औषध गाँजासहित मकवानपुर थाहा नगरपालिका वडा नम्बर ११ का २२ वर्षीय सोमबहादुर थोकर र सोही जिल्ला कैलाश गाउँपालिका वडा नम्बर २ का ३६ वर्षीय इमानसिंह स्याङबोलाई पक्राउ गरिएको जानकारी दिएको हो ।

गत शनिवार विशेष सूचनाको आधारमा व्यूरोको टोलीले उनीहरुलाई इन्धन बोक्ने टयांकरमा लुकाईछिपाई राखिएको गाँजासहित काठमाडौंको चन्द्रागिरी नगरपालिका वडा नम्बर २ स्थित झ्याप्ले खोला सडक किनाराबाट पक्राउ गरेको हो ।

ना ४ ख ५३६८ नम्बरको इन्धन बोक्ने टयांकर भित्र अगाडि क्याबिनमा ७ वटा प्लाष्टिकका बोरा भित्र १७ वटा पोकाहरुमा प्याक गरिएको गाँजा बरामद गरिएको व्यूरो प्रमुख प्रहरी नायव महानिरीक्षक ठूले राईले जानकारी दिए ।

बरामद लागू औषध गाँजा टयांकरमा लुकाईछिपाई त्रिभुवन राजपथको बाटो हुँदै सर्लाहीको मलंगवाबाट भारत निकासी गर्न लागिएको प्रहरीको प्रारम्भिक अनुसन्धानबाट खुल्न आएको छ ।

पक्राउ परेका स्याङबो र थोकर दुवै जना विगत लामो समयदेखि अवैध लागू औषध गाँजा कारोबारमा संलग्न रहेको प्रहरीले आशंका गरेको छ । घटनाबारे थप अनुसन्धान भईरहेको प्रहरीले जनाएको छ ।

प्रतिकृया दिनुहोस

भरतपुर महानगरपालिकाको शहरी क्षेत्रमा तीनपाङ्ग्रे सञ्चालनमा रोक

मङ्गलबार, ०१ साउन चितवन । भरतपुर महानगरपालिकाले आफ्नो क्षेत्रमा सवारी दुर्घटना बढाएको जनाउँदै मुख्य शहरी क्षेत्रमा तीनपाङ्ग्रे सवारी सञ्चालनमा

काठमाडौँ ल्याइँदै राँगा भैँसी

  पृथ्वी राजमार्गमा तराईबाट काठमाडौँ ल्याइँदै गरेका राँगा भैँसी । तस्बिर  प्रदीपराज वन्त,

बिक्री गर्न सुकाएका झिलङ्गा

  तनहुँको बिमल नगरमा बिक्रीका लागि सुकाएका झिलङ्गा । तस्बिर  प्रदीपराज वन्त,