जाने हैन राजारानी ? (भिडियो)

 


धनकुटा, बैशाख ८

धनकुटाको चौबिसे गाउँपालिकामा पर्ने राजारानी क्षेत्र पर्यटकको रोजाइमा पर्न थालेको छ ।

राजारानीमा तालसहित नागवेली पार्क, काली झरना निर्माणसँगै पर्यटकीय गन्तब्य बन्दै गएको हो ।

एक दशक अघिसम्म ताल मात्र हेर्न पाइने धनकुटाको राजारानीमा अहिले भने ताल सहित नागवेली पार्क, काली झरना, गुप्तेश्वर गुफा थप आकर्षण बनेका छन् ।

पार्कभित्रको ढुंगामा कुँदेर करिव ३५ फिट लम्वाइको जोडी नागको मुर्ति बनाइएको छ । मुुर्तिकार श्याम गौतमले करिव एक वर्ष लगाएर पार्कभित्रको ढुगां खोपेर जोडी नागको आकृति बनाएका हुन् ।

ढुंगामै जोडी नागको लोभलाग्दो आकृति बनाएपछि राजारानीले थप पर्यटक तान्न सफल भएको छ । नागवेली पार्क करिव १६ रोपनी क्षेत्रफलमा फैलिएको छ । पार्कभित्र सुन्दर फुलवँगैचा पनि छन् ।

पार्कका कुना काप्चा तथा भिरालो ठाउँमा चर्चित व्यक्तित्व तथा देवी देवताको मुर्ति सजावट छन् ।

स्थानीय ढुङ्गाहरुलाई कुदेर बिभिन्न आकृति निर्माण गरेको मुर्तिकार श्याम गौतम बताउँछन् ।

पार्क सहित झरना, गुप्तेश्वर गुफा, अजङ्गको काब्रोको रुख, ततिला झर्ना, घ्याम्पे दहले पनि पर्यटकलाई लोभ्याउने गरेको छ ।

पहिले पहिले तालमात्र घुम्न पाइने राजारानीमा अहिले प्रसस्त घुम्ने ठाँउ हुँदा त्यहा पुग्ने पर्यटक समेत निक्कै उत्साहित देखिन्छन् ।

ताल बाहेक पार्क झरनालगायत स्थानको पुर्बाधार निर्माणको लागि हालसम्म यहाँ पुर्बाधार निर्माणको लागि करिब ३२ लाख रुपैयाँ खर्च भइसकेको छ ।

राजारानी सहित सो आसपासको क्षेत्र पर्यटनको लागि उपयुक्त भएकाले अब गाँउपालिकाको प्राथमिकता पनि पर्यटकिय स्थलको बिकास नै रहेको चौबिसे गाँउपालिकाको उपप्रमुख यज्ञ कुमारी रुचाल बताउँछन् ।

राजारानीमा केही वर्ष पहिलेसम्म मुस्किलले दैनिक तीन दर्जनको हाराहारीमा पर्यटक आउने गरेकोमा अहिले पार्क सहित बिभिन्न पर्यटकिय स्थल निर्माण भए पछि दैनिक एक सय भन्दा बढी आउने गरेका छन् ।

राजारानी यतिबेला भने ढुंगामा विशाल दरबार र स्थानीय खदम खोलाको किनारै किनार मोरङ्ग जोड्ने गरी पुर्बाञ्चलकै लामो पदमार्ग निर्माणमा लागेको छ ।ईमेज

 

प्रतिकृया दिनुहोस

स्वास्थ्य मन्त्रालयले अस्पतालका नाममा खाली भवनलाई २ करोड दिएको खुलासा

पुस २, २०७५ काठमाडौं– स्वास्थ्य तथा जनसंख्या मन्त्रालयले हरेक वर्ष सामुदायिक अस्पताललाई वितरण गर्दै आएको रकम दुरुपयोग भएको छ । जनताले सस्तो र

ट्रेकिङ एजेन्सीको गलत धन्दाले अन्तर्राष्ट्रिय मिडियामा देशको असीमित बदनाम

पुस २, २०७५ काठमाडौं– पदयात्रा र पर्वतारोहणमा जानेृ पर्यटकलाई लेक लाग्न सक्छ, उनीहरु बिरामी हुन सक्छन् वा दुर्घटनामा पर्न सक्छन्  ।तर पर्यटकलाई

सडक सौर्य बत्तीबाट २० हजार लाभान्वित

वीरगञ्ज, २ पुस  देशमा सङ्घीयता लागू भएपछि स्थानीय सरकारले गाउँमै जनतालाई सिंहदरबारको अनुभूति दिन विकास निर्माणको कामलाई तीव्रता दिन थालेको छ ।