होमस्टेमा ३९ परिकार

फलेवास, पर्वत, ३० जेठ

 यहाँको एक विकट गाउँमा भर्खरै सञ्चालनमा आएको होमस्टेमा आउने पाहुनालाई ३९ किसिमका परिकार दिन थालिएको छ । पर्वतको महाशिला गाउँपालिकामा चालु आवदेखि तीन स्थानमा एकैपटक होमस्टे सेवा सञ्चालनमा आएको हो । जिल्लाको साबिक लुंखुदेउराली, दुक्तान र पाखानीको सिम्ले गरी तीन स्थानमा होमस्टे सेवा शुरु गरिएको छ । ती होमस्टेमा स्थानीयवासीले आन्तरिक तथा बाह्य पर्यटकलाई आकर्षण गराउनका लागि ३९ किसिममा परिकार खुवाउने गरेका हुन् । सबै परिकार स्थानीय उत्पादन हुन् । 

सामान्यतया गाउँघरमा पाइने भात, दाल, तरकारी, मासु, साग, गुन्द्रुक, अचार, रोटी, दूध, घ्यू, लोकल मदिरासहितका ३९ प्रकारका परिकार तयार गर्ने गरेको गाउँपालिकाका प्रवक्ता जीवन विक्रम ठकुरीले जानकारी दिनुभयो । 
स्थानीय तहमा जनप्रतिनिधि निर्वाचित भएर आएको पहिलो वर्षमै गाउँपालिकाका गुरुङ, ठकुरी, मगर, अन्य जनजातिको बाहुल्यता रहेको झण्डै ५० घरमा होमस्टे सेवा शुरु गरिएको उहाँले बताउनुभयो । 

होमस्टे सञ्चालन गर्न इच्छुक परिवारलाई पूर्वाधार निर्माणसँगै आवश्यक सामग्रीका लागि चालु आर्थिक वर्षमा रु १० हजार सहयोग गरिएको र अन्यत्र लामो समयदेखि सञ्चालनमा आएका होमस्टेमा भन्दा यहाँ धेरै किसिमका खानेकुरा दिन सकिने प्रवक्ता ठकुरीले जानकारी दिनुभयो । 
महाशिला गाउँपालिकाको पर्यटकीय क्षेत्र विकासअन्तर्गत नेपाल पर्यटन बोर्डको सहयोगमा यस गाउँपालिका–४ पाखापानी, महाशिला–५ दुक्तानमा र महाशिला–५ कै लाम्तुनमा पनि तीनदिने होमस्टे सेवा विस्तार गरिएको गाउँपालिकाका अध्यक्ष राजु पौडेलले बताउनुभयो । 

उक्त गाउँपालिकास्थित धार्मिक दृष्टिकोणले निकै महत्व रहेको चिसापानी देवीको मन्दिर, सातमूले देवीको मन्दिर, गाउँमा रहेको महाशिला र गाउँकै शिव मन्दिरमा आउने धार्मिक पर्यटकलाई लक्षित गर्दै सञ्चालनमा ल्याइएका होमस्टे स्थानीय संस्कृतिको जगेर्नाका लागि पनि प्रभावकारी बनेको छ । 
गाउँपालिकाले अहिले ३७० जनालाई गाउँपालिकामा रोजगारी दिने गरी तालीम दिन शुरु गरिएको र सो तालीममा विभिन्न १८ विधाअन्तर्गत होमस्टेलाई पनि समावेश गरिएको छ । अहिले गाउँपालिकाभरिमा सञ्चालनमा आएका होमस्टेमा एकै पटक पाँच सयभन्दा बढीलाई राख्न सक्ने क्षमता रहेको पनि अध्यक्ष पौडेलले जानकारी दिनुभयो ।  (रासस)

प्रतिकृया दिनुहोस

पार्क पसे ढिकी, जाँतो र कोल

कात्तिक ५, २०७५  गोरखा  ढिकीमा धान अनि जाँतोमा कोदो, मकै, चामल, गहुँ र जौ पिस्ने गरिन्थ्यो– १० वर्ष अघिसम्म । तोरी र तिल कोलमा हालेर तेल

वनको कार्यक्षेत्र खुम्चियो

कात्तिक ५, २०७५  काठमाडौं - जिम्मेवारी जिल्लाभरिकै वन हेर्ने तर कार्यक्षेत्र जम्मा ५ वटा वडा । सुन्दा अनौठो लाग्न सक्छ । डिभिजन वन कार्यालय, मनाङ भने

धान भित्र्याउन कृषक व्यस्त

सोमबार, ०५ कार्तिक   भक्तपुर  दशैँको बेलामा दशैँ मान्ने र टीका थाप्न जाने चटारो परे पनि भक्तपुरका कृषकलाई भने खेतमा पाकेको धान भित्र्याउने