सिङ्गापुर वार्ताबारे दक्षिण कोरियाली अखबारमा आशावादी शीर्षक

बुधबार, ३० जेठ

सिङ्गापुर वार्ताबारे दक्षिण कोरियाली अखबारमा आशावादी शीर्षक

 

काठमाडौँ । सिङ्गापुरमा मङ्गलबार सम्पन्न अमेरिका र उत्तर कोरिया शिखर वार्ताप्रति दक्षिण कोरियाली अखबारहरु आशावादी देखिएको समाचार छ । दक्षिण कोरियाली प्रमुख दैनिक पत्रपत्रिकाहरुले सिङ्गापुरमा सम्पन्न वार्ता र त्यसमा भएका सहमतिको कार्यान्वयन हुने अपेक्षा गरेका छन् ।

ती पत्रिकाहरुमा बुधबार छापिएका शीर्षकहरुले सो वार्ताको प्रशंसा गर्दै त्यसमा भएको अमेरिका र उत्तर कोरिया सम्झौताको कार्यान्वयनमा दक्षिण कोरियाली नागरिकले खुसी व्यक्त गरेका बताइएको छ ।

सिङ्गापुर वार्ताका क्रममा उत्तर कोरियाली नेता किम जोङ उनले कोरियाली प्रायद्वीपलाई पूर्ण रुपमा निशस्त्रीकरण गर्ने विषयमा प्रतिबद्धता व्यक्त गर्नुभएको थियो । उहाँको सो प्रतिवद्धताको दक्षिण कोरियाली सञ्चारमाध्यमहरुले प्रशंसा गरेका हुन् ।

उत्तर कोरियाली नेता किम र अमेरिकी राष्ट्रपति ट्रम्पबीचको एक सम्झौतामा कोरियाली प्रायद्वीपमा नै पूर्ण निशस्त्रीकरण गर्ने सहमतिसहित हस्ताक्षर गर्नुभएको छ । दुई नेताबीच भएको यो पहिलो भेटघाटबाट अत्यन्त प्रसन्न हुनुभएका ट्रम्प उत्तर कोरियाली नेताले यसअघि गत अप्रिल २७ मा दक्षिण कोरियाली राष्ट्रपतिसँग गर्नुभएको सहमतिको कार्यान्वयनमा पनि सहमति जनाउनुभएको थियो ।

दक्षिण कोरियाली अखबारहरुले अमेरिकी राष्ट्रपतिसँग एउटै दस्ताबेजमा सही गरेको र एक्लाएक्लै वार्तामा बस्न पाएको अवसरको सदुपयोग गर्नुपर्ने समाचारमा दिएका छन् । यस वार्ताको सफलताबाट विश्वले दुई कोरियाबीच पनि एकताको अपेक्षा गरेको दक्षिण कोरियाली अखबारहरुका बुधबारका शीर्षमा दिएका छन् ।

समाचारमा त्यस्तो शान्ति उत्तर कोरियाले पालना गर्ने निशस्त्रीकरणबाट सुरु हुन्छ, जुन प्रतिबद्धतामा उसले हस्ताक्षर गरेको छ भनिएको छ । कोरियाली प्रायद्वीपमा आणविक परीक्षणमात्र रोकिँदा, अमेरिका र उत्तर कोरियाबीच हतियारको होडका अभिव्यक्ति नआउँदा मात्र पनि विश्वमा शान्तिको स्थापना हुने अपेक्षा छ– ती अखबारका शीर्षकमा भनिएको छ ।

त्यस्तै सन् १९५३ मा अनायासै कोरिया विभाजन भएपछि आजका दिनसम्म जुन पीडा दुई देशको रुपमा दुई देशका अधिकांश नागरिकले भोगेका छन् त्यस पीडाको अन्त्य यस शिखर वार्ताले गरिदिने अपेक्षा दक्षिण कोरियाली नागरिकले पनि गरेका समाचारमा जनाइएकोे छ ।

यो वार्ताको सफलतापछिको विश्वको अपेक्षा यी दुई देशबीचको एकता पनि हो भन्ने आसय यस शिखर वार्ताका क्रममा विश्वव्यापी रुपमा आएको पनि दक्षिण कोरियाका सञ्चारमाध्यमहरुले जनाएका छन् । (रासस/एएफपी)

प्रतिकृया दिनुहोस

केरलामा बाढीका कारण मृत्यु हुनेको सङ्ख्या ३२४ पुग्यो

शनिबार, ०२ भदौ भारत भारतको केरला राज्यमा केही दिनदेखिको निरन्तर बर्षाका कारण मृत्यु हुनेको सङ्ख्यामा विगत २४ घण्टामा तीन गुणाले वृद्धि भएको

इमरान खानद्धारा प्रधानमन्त्री पदको सपथ ग्रहण

शनिबार, ०२ भदौ   काठमाडौँ   पाकिस्तानको नयाँ प्रधानमन्त्रीका रुपमा इमरान खानले शनिबार सपथ ग्रहण गर्नु भएको छ । मुलुकको सवै भन्दा ठूलो पार्टी

पाकिस्तान : नयाँ प्रधानमन्त्री खानले आज शपथग्रहण गर्ने  

      भदौ २, २०७५ काठमाडौं–पाकिस्तानको संसदले आफ्नो मुलुकको नयाँ प्रधानमन्त्रीका रुपमा इमरान खानलाई चयन गरेको छ । पूर्व क्रिकेटर खान