बाँकी जीवन देश विकासका लागि समर्पित गर्छु : प्रचण्ड


काठमाडौं, असार २३
 

सत्तारुढ नेपाल कम्युनिष्ट पार्टी (नेकपा) का अध्यक्ष एवम् पूर्व प्रधानमन्त्री पुष्पकमल दाहालले आफ्नो बाँकी जीवन मुलुकको विकास, निर्माण र समृद्धिका लागि समर्पित गर्ने  उद्घोष गरेका छन्।

अध्यक्ष दाहालले निजी–सार्वजनिक–सहकारी क्षेत्रको सहकार्यमा मुलुकलाई समृद्ध बनाउने योजना पनि अघि सारे।

उनले पछिल्ला एक दशक शान्ति र संविधान निर्माणमा आफूले बिताएको उल्लेख गर्दै अब मुलुकको विकास, निर्माण र समृद्धिको लागि जीवन समर्पित गर्ने संकल्प रहेको बताए।

अध्यक्ष दाहालले आफूले मुलुकको इतिहास र राजनीतिक दर्शनको अध्ययन तथा संघर्ष र लडाईमा २ दशक बिताएको पनि स्मरण गराए।

उनले मुलुकको समृद्धिका लागि शिक्षा क्षेत्रमा आवश्यक लगानी भित्रयाउने व्यवस्थासहित संविधान जारी गरिएको दाबी पनि गरे।

शनिबार प्याब्सनद्वारा काठमाडौंमा आयोजित एक कार्यक्रममा बोल्दै उनले आफूहरू शिक्षा क्षेत्रमा निजी क्षेत्रले गरेको लगानीको विरोधी नभएको पनि स्पष्ट पारे।

अध्यक्ष दाहालले नेपालको शिक्षामा निजी क्षेत्रले गरेको मिहिनेतको प्रशंसा गर्दै गुणस्तरीय शिक्षामा अझै जोड दिन पनि आग्रह गरे।

अध्यक्ष दाहालले जीवन उपयोगी शिक्षामा सबैले जोड दिनुपर्ने आवश्यकता पनि औंल्याए। उनले शिक्षा, स्वास्थ्य र रोजगारीलाई सर्वसुलभ र सहज बनाउने प्रतिबद्धता पनि व्यक्त गरे।

प्रतिकृया दिनुहोस

कांग्रेसभित्र फेरि किचलो

  कात्तिक २६ काठमाडौं    विधि र प्रक्रियालाई बेवास्ता गर्दै सभापति शेरबहादुर देउवाले उपसभापतिमा विजयकुमार गच्छादारलाई मनोनित गरेको भन्दै

तीन राप्रपाको एकताः चुनाव चिह्न र राजसंस्थाको विवाद

    कात्तिक २६ काठमाडौं  तीन हाँगामा विभाजित राष्ट्रिय प्रजातन्त्र पार्टीको एकता राजसंस्था र चुनाव चिह्नको विवादले भाँडिएको छ । कमल थापा

प्रधानमन्त्रीको परराष्ट्र सल्लाहकारमा भट्टराई र प्रमुख स्वकीय सचिवमा भण्डारी

  काठमाडौँ, २६ कात्तिक  प्रधानमन्त्रीको परराष्ट्र सल्लाहकारमा डा राजन भट्टराई र प्रमुख स्वकीय सचिवमा इन्द्र भण्डारी नियुक्त हुनुभएको छ