युरोपेली संघबाट वहिर्गमनसम्बन्धी वार्ताको जिम्मेवारी पाएका बेलायती मन्त्रीको राजीनामा

लन्डन, असार २५ । युरोपेली संघबाट बेलायतको वहिर्गमनसम्बन्धी वार्ताको जिम्मेवारी पाएका मन्त्री डेभिड डेभिसले पदबाट राजीनामा दिएका छन् ।

प्रधानमन्त्री टेरिजा मेको मन्त्रिपरिषद्ले युरोपेली संघसँगको भावी व्यापार सम्बन्धबारेको नयाँ प्रस्तावमा सहमति जनाएको दुई दिनपछि मन्त्री डेभिसले राजीनामा दिएका हुन् । आफूले चाहेकोभन्दा फरक ढंगले प्रधानमन्त्रीले युरोपेली युनियनसँगको भावी सम्बन्धबारे मन्त्रिपरिषद्मा सहमति जुटाएपछि उनले पदबाट राजीनामा दिएको बताइएको छ ।

उनको राजीनामालाई प्रधानमन्त्री मेका लागि एउटा ठूलो धक्काको रुपमा लिइएको छ । मन्त्री डेभिसले ब्रेक्जिट वार्ताहरूमा प्रधानमन्त्री मेको अडानलाई लिएर धेरै पटक राजीनामा दिने चेतावनी दिएका थिए ।

युरोपेली युनियनसँग वार्ता गर्ने जिम्मेवारीसहित सन् २०१६ मा उनी मन्त्री नियुक्त भएका थिए ।

युरोपेली संघबाट बेलायत अलग हुनुपर्ने पक्षधर मानिने कन्जरभेटिभ पार्टीका सांसद पिटर बोनले डेभिसको राजीनामालाई एउटा सम्मानजनक र साहसिक निर्णय भन्दै प्रशंसा गरेका छन् । उनले डेभिसले सही काम गरेको टिप्पणी गर्दै बहिर्गमनबारे प्रधानमन्त्रीको नाममात्रको प्रस्ताव स्वीकार्य नहुने बताए ।

लेबर पार्टीका प्रमुख इयान लेभरीले भने अहिले भद्रगोलको अवस्था आएको र प्रधानमन्त्री मेसँग अब कुनै सामथ्र्य बाँकी नरहेको बताए । (एजेन्सी)

प्रतिकृया दिनुहोस

विगत ८० दिनदेखि एउटा कुकुरले मालिकको मृत्यु भएको सडकमा कुरिरहेको छ (भिडियोसहित)

  मङ्गलबार, २७ कार्तिक - बीबीसी एउटा कुकुरले विगत ८० दिनदेखि आफ्ना मालिकलाई निकै व्यस्त सडकमा कुरिरहेको छ जहाँ उनको मृत्यु भएको थियो ।भित्री

अफगानिस्तानमा ह्वात्तै बढ्यो आतंकवादी आक्रमण

  कात्तिक २६, २०७५ काठमाडौं  अफगानिस्तानमा तालिबान आतंकवादीहरूले अल्पसंख्यक हाजरा समुदायको बाहुल्य रहेको एक जिल्लामा आइतवार आक्रमण

प्रथम विश्वयुद्ध सकिएको १ सय वर्ष पूरा : युद्धमा केके भएको थियो

  कात्तिक २६, काठमाण्डौ । १९१४ देखि १९१९ सम्म युरोप, अफ्रिका र मध्य पूर्व (आंशिक रुपमा चीन र प्रशान्त द्विप समुह)मा चलेको लडाईं नै प्रथम विश्वयुद्ध